Një aksident automobilistik është regjistruar pasditen e kësaj të shtune në fshatin Larushkë të Fushë Krujës.
Burime bëjnë me dije se një automjet tip “Mercedes Benz” dhe një automjet tip “Golf 5” janë përplasur me njëri-tjetrin. Pas përplasjes, siç shihet edhe në foton e mëposhtme, automjeti tip “Golf 5” ka shpërthyer në flakë.
Si pasojë e aksidentit nuk raportohet për viktima apo persona të lënduar. Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
