Gëzim Allçi, i dyshuar për përkrahje të autorit të vrasjes së dyfishtë në Manëz, është dorëzuar pas katër muajsh në arrati. Ai u dorëzua në ambientet e Drejtorisë së Policisë së Durrësit, ku gjithashtu ekzekutoi vendimin e Gjykatës së Durrësit, e cila kishte caktuar masën e sigurisë “Arrest në burg” ndaj tij në mungesë.
Allçi, banor i Manëzit, akuzohet për “Mbajtjen pa leje dhe prodhimin e armëve dhe municioneve”, si dhe për “Përkrahjen e autorit të krimit”. Ai u shpall në kërkim për ngjarjen e ndodhur më 22 tetor 2025 kur në një lokal mbetën të vrarë 33-vjeçarët Flori Paluçi dhe Aranit Kurti.
Sipas raportimeve policore, 31-vjeçari ka dorëzuar një armë të dukshme si pistoletë, e cila më vonë doli të jetë armë sportive me gogla, e cila ai pretendon se e kishte me vete ditën e ngjarjes. Policia thotë se Allçi dyshohet se ndihmoi Daniel Pepën, të akuzuar për vrasjen e Paluçit, në arratisjen nga vendi i ngjarjes.
Ngjarja e rëndë filloi pas një konflikti banal që eskaloi, për pasojë vranë dy persona. Aktualisht, materialet shtesë procedurale janë referuar Prokurorisë së Durrësit për shqyrtim dhe veprime të mëtejshme.
