Ende nuk ka asnjë të arrestuar për sulmin me armë që ndodhi mbrëmë në “Don Bosko”. Informacionet janë të shumta nga vendi ngjarjes, dëshmitë e personave që kanë skenën e krimit, por edhe nga grupi hetimor që ende nuk ka një pistë konkrete.
Lokali është në emër të Fatjon Muratit, por në shënjestër dyshohet se nuk ka qenë ai vetë, por vëllai i tij që kishte vetëm pak ditë që ishte kthyer në atdhe dhe mbrëmë po qëndronte në lokal me xhaxhanë, Shehatin. Plumbat kapën xhaxhanë duke e plagosur, ndërsa nipi i tij, pra vëllai i Fatjonit arriti që të shpëtonte.
Nga të shtënat në lokal mbrëmjen e së dielës, u vra banakierja Mimoza Paja gabimisht dhe u plagosën Shehat Murati 50 vjeç, (xhaxhai i Fatjon Muratit), Astrit Meraj 42 vjeç, Emanuel Sala 47 vjeç, Ermir Bejuku 45 vjeç dhe Genc Shohalli 55 vjeç
