Trajneri i Real Madridit përsëriti në prag të ndeshjes së Ligës së Kampioneve me Leipzig se te skuadra e tij “asnjë futbollist nuk është i paprekshëm”. Në konferencën për shtyp Mourinho u ndal te momenti i rëndë i Vinicius dhe forma e mirë e Diomande, duke theksuar se “Këtu e paprekshme është vetëm stema… asnjë lojtar nuk është i paprekshëm. Nuk është çështje statusi, shiriti kapiteni apo shifër e shpenzuar për ta blerë. Ai që e bën një futbollist të paprekshëm është rendimenti në fushën e lojës”.
Trajneri konfirmoi se Vinicius do të jetë titullar në sfidën me Leipzig, pa precizuar nëse kjo do të ndodhë në vend të Diomande apo të ndonjë futbollisti tjetër. “Nuk mund të zbuloj kartat e mia. Vinicius është sulmues i majtë,” tha Mourinho, duke shtuar se mund ta përdorë edhe në pozicione të tjera sipas skenarëve, por se pozicioni i majtë është natyral për të. Përsa i përket Diomande, trajneri theksoi se lojtari nuk duhet të presë të mësojë menjëherë nëse do të luajë si titullar.
Mourinho pranoi se skuadra nuk ka ende gjërat që ai dëshiron për të arritur nivelin e synuar, duke nënvizuar në të njëjtën kohë se nuk e konsideron veten një trajner kokëfortë deri në ekstrem me idetë e tij. Ai theksoi domosdoshmërinë e performancës në fushë si kriter për vendimmarrje mbi statusin e lojtarëve.
Me pak ditë para El Clasicos në La Liga kundër Barcelonës, dhe pasiqë ekipi katalonas deri tani ka vetëm fitore, Real Madridit i ofrohet mundësia për t’u afruar më shumë ndaj kualifikimit për 1/8 e finales së Ligës së Kampioneve. Mourinho përmendi se skuadra mund të afrohet nëse arrin të marrë tri fitore në tri ndeshje, duke lënë të kuptohet rëndësia e rezultateve të ardhshme për objektivin në kompeticion.
