Parma do të përballet me Milanin këtë të shtunë në një ndeshje ku vëmendja do të përqendrohet te Mateo Pellegrino, një sulmues argjentinas që iu bashkua skuadrës emiliane në shkurt të këtij viti. Sipas gazetës ‘La Gazzetta Dello Sport’, Pellegrino po shikohet si një objektiv i mundshëm për merkato në janar nga Milan.
Scouting-u i Milanit e ka parë 22-vjeçarin në aksion dhe raportet janë pozitive. Megjithatë, një transferim mund të jetë i vështirë për shkak të pozitës së Parmës në Serie A, që është në luftë për mbijetesë. Klubi emilian sigurisht nuk dëshiron të humbasë qendërsulmuesin e tij, kurse Milan pas shpenzimeve të bëra gjatë verës, për momentin duket se preferon një huazim me të drejtë blerjeje përpara një blerjeje përfundimtare.
Pellegrino nuk është i vetmi kandidat që Milani ka në listë. Lojtarë si Joaquin Panichelli nga Strasburgu, Jonathan Burkardt nga Eintracht Frankfurt dhe Dovbyk nga Roma, gjithashtu po shqyrtohen. Avantazhi i Pellegrino është njohja e tij me Serie A, pasi Parma e bleu atë për 2 milionë euro, një çmim që është i përballueshëm për Milanin.
Pellegrino konsiderohet si një opsion tërheqës për merkaton e janarit ose për të ardhmen, veçanërisht nëse ai vazhdon të rritet si lojtar. Nëse Gimenez, i cili është aktualisht i dëmtuar, nuk rikuperohet, Pellegrino mund të bëhet një alternativë e rëndësishme. Sidoqoftë, për momentin, ai është i fokusuar te ekipi i Parmës, i cili po lufton për të mbetur në Serie A dhe nuk ka planifikuar për të ardhmen.
Pellegrino nuk ka shënuar në Serie A që nga 29 shtatori përballë Torinos dhe dëshiron të përfundojë këtë thatësirë në ndeshjen me Milanin. Një gol do të kishte rëndësi të madhe për të, duke ndihmuar gjithashtu në bindjen e kuqezinjve për vlerën e tij si një investim të ardhshëm.
