Papa Leoni XIV shprehu shpresën se Presidenti i SHBA-së, Donald Trump, po kërkon mënyra për të përfunduar luftën në Lindjen e Mesme dhe për të reduktuar dhunën. Në një bisedë me gazetarët, gjatë udhëtimit të tij nga rezidenca në Castel Gandolfo drejt Vatikanit, Papa pohroi se kishte marrë sinjale nga Trump që tregoheshin optimiste për përpjekjet drejt një zgjidhjeje të konfliktit.
“Ai po kërkon një rrugëdalje, një mënyrë për të ulur dhunën dhe bombardimet,” tha Papa, duke theksuar rëndësinë e një kontributi në zbutjen e urrejtjes që po rritet në këtë rajon dhe përtej tij. Ai u bëri thirrje të gjithë liderëve botërorë të rikthehen në tryezën e dialogut, duke theksuar nevojën për zgjidhje të konflikteve.
Në prag të Pashkëve, që ai do t’i festojë për herë të parë si Papë, Leo XIV theksoi se kjo periudhë duhet të jetë një kohë paqeje dhe reflektimi. Ai u shpreh se, pavarësisht këtij mesazhi, dhuna dhe lufta vazhdojnë të jenë të pranishme në shumë zona të botës, duke shkaktuar vuajtje dhe humbje jetësh, përfshirë fëmijë të pafajshëm.
Papa synon të nxjerrë në pah rëndësinë e dialogut dhe bashkëpunimit ndërkombëtar si mënyra të domosdoshme për adresimin e krizave globale. Ai theksoi se bota po përballet me sfida të mëdha dhe se është e nevojshme që liderët të angazhohen për të gjetur zgjidhje paqësore që ndihmojnë në rikthimin e stabilitetit dhe sigurisë.
Këto deklarata pasqyrojnë angazhimin e Papës për paqen dhe për të drejtat e njeriut në një kontekst ndërkombëtar, duke i bërë thirrje liderëve për t’u angazhuar në dialog që mund të sjellë një zgjidhje për konfliktet e vazhdueshme që prekin shumë njerëz.
