TIRANË- Pedagogu dhe ish-zv.ministri i Arsimit Taulant Muka ka depozituar në SPAK dosjen me 400 faqe për plagjiaturë për 50 profesorë të Universitetit të Tiranës dhe disa politikanë. Me anë të një postimi në Facebook, Muka ka bërë me dije se dosja në SPAK është dorëzuar dhe për rektorin e Unverisitetit të Tiranës Artan Hoxha, Ministren e Arsimit Ogerta Manastirliu, Presidentin Bajram Begaj dhe Avokaten e Popullit Erinda Ballanca.
Muka shkruan se ka depozituar në Prokurorinë e Posaçme dhe pret që zyrtarët e lartë që ai ka denoncuar të hetohen për grup të strukturuar kriminal në arsimin e lartë. Më tej Muka thekson se tani fjala i mbetet drejtësisë nëse do vendosë standarde për arsimin dhe shkencën shqiptare.
‘Dita e parë në Tiranë. Sapo depozitova dosjen me mbi 400 faqe në SPAK mbi plagjiaturën për rektorin e UT dhe mbi 50 profesorë në UT, Ministren e Arsimit, Presidentin dhe Avokatin e Popullit me kërkesën për hetim për një grup të strukturuar kriminal në arsimin e lartë. Tani fjala i mbetet drejtësisë nëse do vendosë standarde për arsimin dhe shkencën shqiptare!’,shkruan Muka në Facebook.
https://www.facebook.com/plugins/post.php?href=https%3A%2F%2Fwww.facebook.com%2FTaulant.Muka%2Fposts%2Fpfbid0VK1TRWH2P9Fd9G3gxcuDiDuURRXxU6iDjeQiDgrhLpE2nimrtX1kBJD3vTJNQNKMl&show_text=true&width=500
