Pas dënimit të Ervin Salianjit, Kryesia e Partisë Demokratike ka diskutuar për një strategji radikale protestash, duke përfshirë bllokimin e rrugëve dhe aeroporteve.
Burime për Klan news nga mbledhja tregojnë se protestat mund të fillojnë brenda 10 ditëve, me kryedemokratin Sali Berisha që inkurajon demokratët të mobilizohen përballë asaj që ai e cilëson si një “luftë të hapur” nga Edi Rama.
Berisha theksoi se çdo anëtar i partisë duhet të ndjejë dënimin e Salianjit si një sulm ndaj opozitës dhe qytetarëve, duke kërkuar një përkushtim të plotë në betejën për rikthimin e votës së lirë.
