Kombëtarja shqiptare U17 përfundoi raundin e parë të kualifikueseve për UEFA EURO 2027 me humbjen 1-3 ndaj Finlandës, por megjithatë siguroi vendin e dytë në Grupin 4 dhe kalimin në raundin e dytë kualifikues në League A. Ekipi i drejtuar nga trajneri Armand Dama kaloi i pari në avantazh në minutën e 17-të me golin e Haxhi Rrenës, por pjesa e dytë pati përmbysje për finlandezët. Launiala barazoi nga pika e bardhë e penalltisë në minutën e 61-të dhe vetëm tri minuta më vonë realizoi edhe golin e dytë për Finlandën. Në minutën e 90+7 Aho shënoi golin e tretë që vulosi fitoren 3-1 për Finlandën.
Pas tri ndeshjeve të mini-turneut, renditja përfundimtare e Grupit 4 ishte Finlanda me 9 pikë në vendin e parë, Shqipëria në vendin e dytë me 4 pikë, Skocia në vendin e tretë me 3 pikë dhe Suedia në vendin e fundit me 1 pikë. Përfundimi në dy vendet e para të grupit i siguroi kombëtares shqiptare U17 kaluar në fazën e dytë të kualifikimeve, ku do të vazhdojë garën në muajin mars 2027.
Raundi i dytë do të përfshijë 28 kombëtare: 14 fitueset dhe 14 skuadrat e renditura të dyta në raundin e parë. Nga ky raund do të përcaktohen shtatë kombëtaret që do t’i bashkohen Letonisë, vendit organizator, në fazën finale të Kampionatit Evropian U17. Faza finale e EURO U17 është planifikuar të zhvillohet nga 24 maji deri më 6 qershor 2027.
Trajneri Armand Dama dhe skuadra e tij do të përgatiten për raundin e dytë të kualifikimeve në League A, ku do të luftojnë për një nga shtatë vendet që çojnë në fazën finale së bashku me vendin organizator.

