Mesfushori 32-vjeçar i Monacos, Paul Pogba, ka bërë një hap të rëndësishëm në karrierën e tij duke u bashkuar me ekipin Al Haboob në Arabinë Saudite si ambasador dhe aksioner. Kjo skuadër, e cila garon në gara me deve, nuk është e njohur si ekip futbolli, por përfaqëson një investim unikal nga Pogba, i cili pas problemeve me doping dhe aventurave personale, është rikthyer në garat e futbollit muajin e shkuar.
Al Haboob po përpiqet të krijojë ligën e parë profesionale në botë për garat me deve, një sport tradicional në Gadishullin Arabik, që ka një histori të pasur. Gara me deve është një industri fitimprurëse, me deve të elitës që arrijnë çmime të majme, duke u shitur për më shumë se 5 milionë dollarë.
Pogba, që dikur ishte futbollisti më i shtrenjtë në botë, shprehet entuziast për këtë eksperiencë të re. Në një intervistë për BBC-në, ai theksoi përkushtimin që kërkohet për këtë sport, duke bërë një paralel mes përkushtimit në futboll dhe garat me deve. Ai tregoi se pasioni i tij për këtë aktivitet ka lindur gjatë vizitave të tij në Lindjen e Mesme, ku u ndje i intriguar nga kultura dhe traditat lokale.
Pogba e përshkroi procesin e studimit të garave me deve si një aventurë interesant, duke u përqendruar te historia dhe dinamika e këtij sporti. Ai shprehu dëshirën për të mbajtur një deve të shtrenjtë në të ardhmen, si një dëshmi për përkushtimin dhe arritjet në këtë fushë të re.
Kjo lëvizje e Pogba-s ka tërhequr vëmendjen e medias, si dhe ekspertëve të futbollit, duke përfshirë Fabrizio Romanon, i cili ka promovuar investimin e tij. Mesazhi i Pogba-s është se, pavarësisht nga sfidat dhe presionet e të qenit një futbollist i njohur, ai është i motivuar për të eksploruar mundësi të reja dhe për të investuar në një traditë të lashtë siç janë garat me deve.
