Pedagogia e gjuhës shqipe Elsa Skënderi, e ftuar në emisionin “Top Story”, vlerësoi nivelin e përgatitjes së politikanëve në vend dhe theksoi përgjegjësinë e politikës në formimin arsimor dhe qytetar të shoqërisë. Ajo lidhur këtë situatë me modelet që u janë servirur qytetarëve, të cilat, sipas saj, kanë ndikuar në gjendjen aktuale.
Skënderi kritikoi dështimin e politikës për të forcuar institucionet arsimore dhe për të nxitë një lloj qytetarie që të zhvillojë aftësinë e të menduarit kritik. Ajo theksoi se politika nuk ka arritur të forcojë kapacitetet që do të lejonin qytetarët të vlerësonin më mirë kompetencat e tyre dhe të ndryshonin standardet e komunikimit publik.
Duke folur për perceptimin e publikut ndaj politikanëve, Skënderi vuri në dukje se edhe personat me njohuri të kufizuara mund të dallojnë kur dikush vërtet vlen dhe kur ka vështirësi t’i artikulojë gjërat bazike në një fjalim. Kjo, sipas saj, tregon për një sadisfaksion të shtuar dhe një ndjeshmëri më të madhe të qytetarëve ndaj performancës së përfaqësuesve të tyre.
Një pjesë të konsiderueshme të vëmendjes së saj e mori gjuha e urrejtjes në rrjetet sociale ndaj politikanëve. Skënderi shprehu shqetësim për nivelin e mllefit në shoqëri dhe për intensitetin e fyerjeve online, duke përmendur se përplasjet në platforma virtuale shkojnë deri te një lloj mllefi pa kufi, sidomos ndaj figurave politike. Ajo theksoi se kjo gjendje shqetëson, pasi njerëzit e mllefosur janë pjesë e komunitetit dhe me ta duhet të punosh në jetën e përditshme.
Në deklaratën e saj për “Top Story” Skënderi përmendi përsëri përgjegjësinë e modeleve të dhëna dhe të politikës për dështimin në nxitjen e një shoqërie më të arsimuar dhe me aftësi më të forta të të menduarit, duke lidhur kështu mungesën e përgatitjes së politikanëve me ndikimet më të gjera sociale.
