Shkroi: Soni Salihi
Gazeta spanjolle “Marca” publikoj lajmin e madh mengjesin e ditës se sotme duke konfirmuar se telenovela midis Kylian Mbappe dhe Real Madrid ka përfunduar dhe tashmë sulmuesi francez ka nënshkruar një kontrat 5-vjeçare me madrilenët dhe do ti bashkohet në korrikun e verës se ardhshme pas përfundimit të Euro 2024 me parametra zero.
Siç raportohet, Mbappe ka refuzuar shumat marramendëse që presidenti Nasser Al-Khelaifi i kishte ofruar me qëllimin që sulmuesi të qëndronte në kryeqytetin francez edhe për disa sezone të tjera, duke pranuar një rrogë modeste tek Real Madrid vetëm që të plotësoj ëndrrën e tijë dhe të luaj me 14 herë Kampionët e Europës.
Kushtet që gjenerali i Real Madrid, Jose Sanchez i përcolli familjes se francezit për sa i përket pagës ishin shumë të qarta: Mbappe do të jetë më i paguari i skuadrës së bardhë, por diferenca me Jude Bellingham dhe Vinicius (formula 20+4 milionë euro. ) do të jetë minimale.
Kjo do të thotë jo më shumë se 25 milionë euro bruto në vit, përfshirë bonuset, diçka që do ta vendoste atë pak përpara Toni Kroos.
Problemi kryesorë që kanë agjentet e lojtarit nuk është paga që do të përfitoj në Madrid por sasia e të drejtave personale të imazhit që do ti lejohet Mbappe të mbajë, shifra që kapin miliona euro.
Çështja e të drejtave të imazhit
Në Santiago Bernabeu, ata e kishin shumë të qartë se nuk duhet të ndryshonin atmosferën e mirë në dhomën e zhveshjes duke i vënë çelësat e Real Madridit në duart e Mbappes. Kjo filloi me mos anashkalimin e shkallës së pagave që ka qenë në fuqi për kaq shumë vite.
Megjithatë, ata kishin parasysh se duhej të gjejne një zgjidhje në mënyra të tjera për të balancuar peshoren dhe për të parandaluar që francezi të ndjehej se po nënvlerësohej.
Çelësi për ta mbajtur atë të lumtur është të trajtohet në një mënyrë inovative për klubin duke prekur edhe shpërndarjen e të drejtave të imazhit, një pikë që është shumë e rëndësishme për klanin e Kylian. Për herë të parë në historinë e tij, klubi është i gatshëm t’i japë pjesën më të madhe një futbollisti.
Ideja fillestare ishte lënia e marrëveshjes në rezultatin 50-50, me mundësinë e thyerjes së tabusë në favor të francezit duke arritur në 60-40.
Për të kuptuar domethënien e këtij nënshkrimi, duhet parë vetëm fakti që as Cristiano Ronaldo-s nuk iu tregua ky respekt. Legjenda portugeze i ka ndarë gjithmonë të ardhurat nga reklamat 50-50 me Madridin.
