Partizani U19 zyrtarizoi kualifikimin për në raundin e dytë të UEFA Youth League, duke eliminuar Vallettan maltez me një fitore të thellë dhe të përgjithshme 6-0. Skuadra e Të Kuqve kishte fituar ndeshjen e parë 2-0 dhe vendosi serinë në sfidën e dytë të zhvilluar në “Shtëpinë e Futbollit” me një triumf 4-0.
E drejtuar nga Fation Muhameti, ekipi i Partizanit ishte dominuese gjatë 90 minutave të takimit dhe arriti të marrë avantazhin që në pjesën e parë. Lleshaj zhbllokoi rezultatin në fund të kësaj periudhe, ndërsa në minutat shtesë të pjesës së parë gola për Partizanin regjistroi edhe një autogol i Formosës, që çoi rezultatin në 2-0 për Të Kuqtë e vegjël në pushim.
Në pjesën e dytë Partizani vijoi të kontrollonte lojën dhe shënoi golin e tretë përmes Rrengës, duke thelluar rezultatin. Pak më vonë, lojtari i Vallettas Mali u ndëshkua me kartonin e dytë të verdhë dhe u përjashtua, por superioriteti numerik nuk ishte i vetmi faktor që i dha Partizanit forcë për të mbyllur ndeshjen. Hyseni shënoi golin e katërt për skuadrën e tij, duke fiksuar shifrat e ndeshjes në 4-0 dhe rezultatin total të dy ndeshjeve në 6-0 në favor të Partizanit U19.
Kualifikimi e çon Partizanin në raundin e dytë të UEFA Youth League, ku pret të ndeshet me skuadrën e 19-vjeçarëve të Hradec Kralove, kampionët e Çekisë për këtë grupmoshë. Pas dy ndeshjeve bindëse kundër Vallettas, Partizani U19 përgatitet për sfidën e radhës në kompeticionin e të rinjve, me synimin për të vijuar rrugëtimin në garë.
