Pallati i djegur do të rindërtohet plotësisht nga ndërtuesi, Rama: Nuk mund t’i lëmë vetëm të dëmtuarit

Kryeministri Edi Rama reagoi për zjarrin që shpërtheu në një pallat pranë spitalit “Nënë Tereza” në Tiranë. Në një postim në platformën “X”, ai njoftoi se pallati në kompleksin “Arlis” do të rindërtohet 100% nga vetë ndërtuesi. Rama theksoi se shkaku i zjarrit, sipas të dhënave paraprake, nuk ka lidhje me ndërtimin e pallatit. Ai shprehu shqetësimin se nuk mund të lihen vetëm njerëzit e dëmtuar dhe se taksapaguesit nuk duhet të paguajnë për dëmet që duhet të mbulohen nga sigurimet. Kryeministri nënvizoi rëndësinë e sigurimit të shtëpive nga fatkeqësitë. Ai gjithashtu falënderoi zjarrëfikësit dhe forcat e rendit për punën e tyre heroike në shpëtimin e jetëve të rrezikuara.