Një mega operacion po zhvillohet për arrestimin e disa personave në Elbasan ku dyshohet se bëhet fjalë për persona zyrtarë.
Burimet bëjnë të ditur se janë më shumë se 25 urdhër ndalimi të lëshuara nga një grup prokurorësh. Bëhet e ditur se arrestimet po bëhen lidhur me akuzat për shpërdorim detyre.
Në këtë operacion po marrin pjesë Forcat e Ndërhyrjes së Shpejtë dhe Njësia Operacionale. Burimet bëjnë me dije se operacioni ka përfshirë edhe të burgosur VIP të cilët në bashkëpunim me zyrtarët e burgjeve kanë futur sasi të konsiderueshme lëndësh narkotike në ambjentet e burgjeve.
