Kaosi vazhdon. Aty ku e lanë dje në Kuvend, opozita e vazhdoi sot në Komisionet Parlamentare. Komisioni i Ligjeve ishte arena e debatit dhe akuzave të forta nga deputetët e opozitës.
Në nisje të seancës, deputeti Saimir Korreshi kërkoi fjalën duke u ankuar për komisionin e Etikës, por kryetarja e komisionit të Ligjeve, Bushka ia ndërpreu duke i kërkuar që të ankohet atje dhe jo këtu.
Situata precipitoi. Kryetari i grupit të PD-së, Gazment Bardhi bashkë me deputetin Bledion Nallbati që u përfshi në incident dje në Kuvend u ngritën në këmbë duke kërkuar fjalën me forcë. Por Bushka i injoroi duke mos u dhënë fjalën.
“Unë mendova se do të kërkoni falje për sjelljet e dhunës kur një koleg deputet, godet kolegun deputet. Fundi i parlamentarizimit. Unë mendova se do të distancoheni nga dhuna.
Këtë revanshin e ulërimës dhe urrejtjes përdoreni atje ku ju ecën jo në kuvendin e Shqipërisë” tha ajo duke mbyllur mbledhjen e komisionit.
https://www.facebook.com/plugins/video.php?height=314&href=https%3A%2F%2Fwww.facebook.com%2Fkuvendishqiperise%2Fvideos%2F282188254165408%2F&show_text=false&width=560&t=0
