Katër shtetas, të cilët ishin shpallur në kërkim për vepra të ndryshme penale, janë arrestuar nga Policia e Tiranës si pjesë e operacionit “Catch”. Arrestimet janë realizuar në terren nga specialistë të hetimit të krimeve nga komisariate të ndryshme.
Arrestimi i parë është i G. I., 30 vjeç, i cili ishte në kërkim nga Prokuroria për “Plagosje të rëndë me dashje” dhe “Prodhim dhe shitje të lëndëve narkotike”. Ai akuzohet se më 1 dhjetor 2025 plagosi një person me mjet prerës dhe gjatë kontrollit të banesës së tij u gjet cannabis sativa, e cila u sekuestrua.
Arrestimi i dytë është ai i R. R., gjithashtu 30 vjeç, i cili ka qenë i dënuar me 3 vjet e 4 muaj burg për “Prodhim dhe shitje të narkotikëve”. Ai kishte mbetur për të vuajtur 1 vit, 5 muaj e 19 ditë të dënimit të tij.
E. M., 19 vjeç, është arrestuar nga specialistët e Komisariatit Nr. 1 pas vendimit të Gjykatës së Durrësit për të caktuar masën “Arrest me burg” për akuzën e “Vjedhjes”. Ai iu dorëzua Drejtorisë Vendore të Policisë në Durrës për veprime të mëtejshme.
Arrestimi i katërt është ai i A. D., 22 vjeç, që ishte nën masën e sigurisë “Arrest me burg” për akuzat e “Përndjekjes” dhe “Largimi i të burgosurit nga vendi i qëndrimit”.
Të gjitha materialet procedurale përkatëse iu referuan Prokurorisë së Tiranës për veprime të mëtjshme. Ky operacion dëshmon angazhimin e policisë në luftimin e kriminalitetit dhe kapjen e personave në kërkim për vepra penale.
