Thashethemet për një martesë të afërt mes Cristiano Ronaldos dhe Georgina Rodriguez janë rilindur pasi çifti u fotografua në Mallorca duke mbajtur unaza identike me diamant, një detaj që ka nxitur spekulime për një ceremoni të shpejtë. Sipas mediave lokale dhe portugeze, Ronaldo dhe Georgina po përgatiten të kurorëzojnë lidhjen e tyre, megjithëse nuk ka ende ndonjë konfirmim zyrtar nga pala e çifit. Superylli 42-vjeçar dhe partnerja 32-vjeçare, e cila është nënë e tre prej gjashtë fëmijëve të tij, u panë duke shijuar pushimet në një jaht luksoz në Mallorca dhe të dy mbanin unaza identike me diamant.
Raportimet shtojnë se çifti, për të cilin Ronaldo kishte bërë propozimin vitin e kaluar, po planifikon të martohet gjatë kësaj fundjave. Një prezantues televiziv në Portugali pretendon se ceremonia mund të zhvillohet në pronën historike Quinta da Regaleira në Sintra, por ky informacion mbetet i pakonfirmuar dhe përmendet se kompleksi pritet të jetë i hapur për vizitorët edhe gjatë fundjavës.
Ronaldo ka folur më parë publikisht për dëshirën e tij për t’u martuar me Georginën. Në një intervistë për Piers Morgan, ai tha: “Shpresoj të shkoj në dasmën time me trofeun e kampionit të botës”. Sulmuesi portugez ka theksuar gjithashtu se Georgina është gruaja me të cilën dëshiron të kalojë jetën: “Do të martohem me të sepse besoj se ka ardhur momenti i duhur. Jo vetëm sepse është nëna e fëmijëve të mi, por sepse është personi që dua më shumë në këtë botë”.
Historia e çiftit nis në vitin 2016, kur Rodrigo u njoh me Ronaldon ndërsa ajo punonte në një butik të markës Gucci në Madrid. Propozimi i fejesës u bë në verën e vitit të kaluar; Ronaldo ka rrëfyer se Georgina fillimisht mendoi se ishte një shaka dhe e pyeti nëse ishte serioz. Pak më vonë, ajo publikoi në rrjetet sociale një foto të unazës së fejesës me mbishkrimin e shkurtër: “E pranoj.”
