Një përpjekje për vjedhje në Drimo, pranë Selanikut, ka përfunduar me lëndime të rënda për dy hajdutë, të cilët u rrëzuan nga ballkoni gjatë tentativës për t’u larguar. Sipas policisë, autorët kishin hyrë në një apartament të katit të parë, duke grabitur bizhuteri, dy telefona celularë, sende personale dhe 615 euro. E gjithë kjo ndodhi kur pronari i banesës u kthye papritmas, duke i zbuluar hajdutët.
Tentativa për t’u larguar përmes ballkonit rezultoi fatale, pasi ata ranë nga një lartësi prej rreth 6 metrash. Një video e transmetuar nga mediat greke dokumenton momentet pas rënies, duke përfshirë ndërhyrjen e ekipit të shpëtimit dhe ndihmën e parë që iu dha nga vetë pronari i apartamentit.
Të dy hajdutët u dërguan në spitalin “Papageorgiou” në Selanik për trajtim. Njëri prej tyre ka pësuar lëndime më serioze, ndërsa i dyti ka mbetur më pak i dëmtuar. Ndërkohë, autoritetet janë angazhuar për të gjetur një bashkëpunëtor të tretë, i cili besohet se ishte në një makinë të parkuar dhe arriti të largohet pas incidentit.
