Trajneri i kombëtares shqiptare, Silvinjo u shfaq mjaft i lumtur për fitoren e arritur në transfertën e Gjeorgjisë.
Për teknikun, ky është një grup i fortë, teksa premtoi se festave të nëntorit do t’i shtohen edhe rezultatet pozitive të kombëtares.
“Ka qënë një ndeshje shumë e mirë. Ndryshimi nga ndeshja e shkuar, ka qënë vetëm rezultati. Fola më Sanjol dhe më tha se e kemi merituar. Nuk dua të merrem me lojtarë specifik, i gjithë grupi ka bërë shumë mirë, ka qënë i motivuar. Kemi bërë shumë mirë dhe kjo ka rëndësi. Shqipëria është e fortë. Jam krenar që jam trajner i kësaj skuadre. Është një meritë e federatës, lojtarëve, tifozëve, stafit. Të gjithë lojtarët kanë luajtur shumë mirë. Jemi ekip i fortë. Sigurisht që do të festojmë për Shqipërinë. Me këmbë në tokë, do nisim nga nesër përgatitjen për sfidat e nëntorit. Shpresojmë që t’i bashkohemi festës së shqiptarëve në muajin nëntor. Janë ekipe të mira të Europës, por duhet të punojmë me këmbë në tokë. E kemi diskutuar edhe me stafin se nuk e kemi menaxhuar sic duhet ndeshjen e shkuar. Është një ekip që bën shumë mirë që në 15 minutat e para, por që kemi bërë mirë dhe ia dolëm. Gjeorgjia na kishte studiuar mirë. Thjeshtë ata kanë bërë ndryshim në skemën e tyre. Unë e respektoj shumë trajnerin Sanjol, gjithashtu edhe ai na kompletoi. Është krenari që perceptohemi si ekip i madh nga të tjerët dhe kjo është një shenjë e mirë krenarie.
Ajeti-Ismajli në mbrojtje?Sigurisht që kam dhimbje koke që dua t’i kem. Edhe Tuci ka bërë një ndeshje të mirë.
Fjalimi për lojtarët pas ndeshjes –Është një fitore që duhet ta meritojmë shumë, kanë bërë një ndeshje shumë të mirë, “ tha tekniku brazilian.
