Dy mjekë janë arrestuar në Rusi pas vdekjes së nëntë foshnjave në një spital materniteti në Siberi gjatë muajit janar. Sipas Komitetit Hetimor të Rusisë, foshnjat e porsalindura ndërruan jetë gjatë festave të Vitit të Ri në Novokuznetsk, ndërsa një shkak zyrtar për vdekjen e tyre nuk është bërë publik ende.
Ngjarja është shkaktuar një zemërim të madh në mbarë vendin. Të gjitha foshnjat kanë lindur në Maternitetin Nr. 1 në periudhën 1-12 janar, me vdekjen e parë që ka ndodhur më 4 janar. Zëdhënësja e Komitetit Hetimor, Svetlana Petrenko, konfirmoi arrestimin e mjekut kryesor të spitalit dhe të shefit të repartit të kujdesit intensiv për “kryerje të papërshtatshme të detyrave zyrtare dhe profesionale”.
Të dyshuarit po bashkëpunojnë me hetimet, të cilat përfshijnë marrjen në pyetje të viktimave dhe dëshmitarëve, si dhe sekuestrimin e provave. Autoritetet kanë publikuar një video që tregon arrestin e një prej mjekëve që po nënshkruante dokumente në prani të policisë. Ndërkohë, po kryhen autopsitë për të përcaktuar shkaqet e sakta të vdekjes.
Agjencia e lajmeve Interfax raportoi se Ministria e Shëndetësisë e Rajonit të Kemerovos, e cila po zhvillon një hetim të veçantë, ka pohuar se foshnjat kishin vuajtur nga infeksione të rënda intrauterine. Spitali ka vendosur të mos pranojë pacientë të rinj përkohësisht për shkak të rritjes mbi normales së infeksioneve të rrugëve të frymëmarrjes.
Ky rast tragjik ka sjellë një shqetësim të madh për sistemin shëndetësor në Rusi dhe ka nxitur thirrje për përgjegjshmëri në ofrimin e kujdesit mjekësor për foshnjat. Hetimet vazhdojnë për të zbuluar faktet e plota rreth këtij rasti të rëndë.
