Rasti i nënës që vetëmbytet bashkë me tre fëmijët e saj në lumin Bunë ka tronditur publikun.
Në lidhje me ngjarjen janë dhënë shumë hipoteza dhe policia vazhdon akoma kërkimet për zbardhjen e ngjarjes.
Top Channel ka siguruar videon e kamerës së sigurisë nga vendi i vetëvrasjes. Për të folur më tepër në lidhje me këtë çështje dhe me provat e deri tanishme ishte i ftuar sot në “Shqipëria Live” gazetari i kronikës Igli Çelmeta.
Gazetari ka ngritur dyshime në lidhje me provat e gjetura nga policia por gjithashtu dhe me videon e kamerës së sigurisë.
Ai ka thënë që në vendin e ngjarjes policia ka gjetur qese patatinash dhe kukulla por pritet të kryhet ekspertiza për të marrë përgjigje dhe një provë biologjike.
“Nuk ka pamje filmike e para, e dyta nuk ka dëshmitarë që të thotë se nëna me fëmijët u hodh me dëshirë në lumin e Bunës. Janë dy elemente kryesore për një ngjarje për të vërtetuar që kemi të bëjmë me një vetëmbytje” tha gazetari.
Gjithashtu ai ka ngritur dyshime lidhur me kamerat e sigurisë duke thënë që ato nuk tregojnë asgjë vetëm nënën që ecën me fëmijët e saj përdore dhe duket që nëna po kujdeset për femijët.
Perveç kësaj videoja është e prerë, nuk e tregon deri në fund pamjen. “Pse është prerë kjo pamje sepse kjo pamje është prerë nga policia nga prokurorët se nga ata ka dalë, çfarë ka ndodhur?” ka shtuar gazetari. Çelmeta ka ngritur dyshime dhe në lidhje me kunatën e cila deri pak para ngjarjes ka qenë me Almën.
Ai ka thënë se kunatës së Almës nuk i është sekuestruar akoma telefoni i saj dhe përsa i përket dëshmisë së saj, ajo ka thënë që ka patur një komunikim të mirë me të dhe do të shkonte të qetësohej tek i vëllai.
Sipas gazetarit kjo gjë ngre dyshime se pse Alma do të qetësohej, diçka e kishte shqetësuar. Ndërsa përsa i përket vajzës me të cilën bashkëshorti Almës kishe tradhëtuar atë, ajo do të japë një dëshmi në moment të dytë për shkak të gjendjes së rënduar.
