Presidenti i Partisë së Lirisë, Ilir Meta është shprehur kundër projektligjit për “për shëndetin seksual dhe riprodhues” proces i cili do të mbyllet më 16 maj dhe që pritet që t’i hapë rrugë ligjërimit të nënave surrogate.
Meta tha se kushdo që përpiqet të kthejë vendin tonë në një fermë surrogacie do të çuditet nga përgjigje që do të marrë nga shqiptarët.
“Për ne tentativa për të shndërruar këtë vend në një fermë laboratorike të internacionales surrogate do marrë përgjigje të merituar. Agresioni i 7 prillit nuk është asgjë para kësaj. Tashmë ne e kemi përgjigjen me 5 prioritetet.
Nëse kujtojnë se gjaku i shqiptarëve është bërë ujë, do të çuditen edhe vetë kudo janë për përgjigjen që do tu japë populli i lirisë dhe dinjitetit” tha ai.
