Interi po përballet me perspektivën e ndryshimeve në pronësi, me disa investitorë që kanë kontaktuar Oaktree, pronarin aktual të klubit, për të marrë pjesë si aksionerë minoritarë. Megjithëse faza është ende e hershme, dhe Oaktree nuk ka dhënë ende një përgjigje të përfundimtare, fondi amerikan po shqyrton oferta të ndryshme që i janë paraqitur. Burimet flasin për interes nga fonde të mëdha investimesh dhe kompani konsulence, si italiane ashtu edhe të huaja, të cilat menaxhojnë pasuri të dinastive të rëndësishme sipërmarrëse.
Sipas raportimeve të përditshmeve, përfshirë ‘Corriere Della Sera’, një lëvizje e tillë mund të përfshijë shitjen e një pjese të kuotave nga Oaktree, me qëllim që të përcaktohet një vlerë e tregut për Interin. Vlera aktuale e klubit, duke përfshirë edhe borxhet, raportohet të jetë midis 1.5 dhe 2.1 miliardë euro. Një operacion që do të sillte aksionerë në minorancë do të fiksonte një çmim të përcaktuar për klubin, duke ofruar qartësi mbi vlerësimin tregtar.
Gjatë dy viteve të fundit, nën drejtimin e Oaktree, bilanci financiar i Interit është rikthyer në pozitive. Fondi ka udhëhequr gjithashtu operacionet e lidhura me ndërtimin e stadiumit të ri, një proces që sipas raporteve ka rritur ndjeshëm vlerën e klubit. Këto përmirësime financiare dhe investimet infrastrukturore duket se kanë bërë Interin tërheqës për investitorët që kërkojnë një pjesëmarrje minoritare, ndërsa Oaktree vlerëson ofertat e ndryshme për të vendosur nëse dhe si do të procedojë me shitjen e pjesëve të aksioneve.
Në këtë fazë, detajet e mundshme të marrëveshjeve, përqindjet e aksioneve që mund të ofrohen dhe emrat e saktë të investitorëve të interesuar mbeten të paqartë, pasi oferta janë ende nën vlerësim dhe pronari i klubit po shqyrton opsionet para se të japë një vendim zyrtar. Top Channel.
