Mëngjesin e së shtunës u shpall lajmi për ndarjen nga jeta të presidentit të Fiorentinës, Rocco Commisso. Për të nderuar kontributin e tij në botën e futbollit, Federata Italiane e Futbollit ka vendosur që të gjitha ndeshjet e Ligave profesioniste, për djem dhe vajza, të këtë një minutë heshtje gjatë kësaj fundjave.
Reagimi ndaj lajmit të hidhur ka ardhur nga presidenti i FIGC, Gabriele Gravina, i cili vlerësoi në mënyrë të veçantë figurën e Commisso. Ai tha: “I jemi pranë familjes së Commisso dhe Fiorentinës për këtë humbje të dhimbshme. Rocco Commisso ka lënë një gjurmë të pashlyeshme në futbollin italian. Do ta kujtojmë gjithnjë për entuziazmin dhe vizionin e tij.” Gravina theksoi se Commisso ishte një pikë referimi për rinovimin e futbollit në Itali dhe se kishte ndarë gjithmonë miqësi dhe ide me të.
Conmisso do të mbahet mend si një figurë e rëndësishme në historinë e futbollit italian, dhe humbja e tij ka nxitur reagime të shumta nga komuniteti sportiv.
