Gara për dy vendet e mbetura në Ligën e Kampionëve është në fazën vendimtare, me Milanin, Romën, Comon dhe Juventusin të përfshirë në një luftë të ngushtë për renditjen dhe përfitimet financiare që lidhin me to. Ndërsa diferenca mes shpërblimit të vendit të dytë dhe të gjashtë në Serie A është rreth 6 milionë euro, bonusi nga UEFA pritet të përcaktojë faturën përfundimtare dhe e thekson rëndësinë e pozitave të larta.
UEFA shpërndan të ardhura bazuar në tarifa pjesëmarrjeje, market pool (pjesa e tregut televiziv) dhe renditjen historike të klubeve në kompeticionet europiane. Për këtë arsye, Roma do të përfitonte më shumë nga zona europiane falë performancave të mira të deritanishme në kompeticionet e kontinentit, ndërsa Como do të marrë më pak për shkak të mungesës së përvojës dhe historisë së afërt në arenën ndërkombëtare.
Sipas të dhënave të Calcio&Finanza, vlerat e përfitimeve nga UEFA për secilën skuadër janë si më poshtë:
– Roma: 43.5 milionë euro nëse luan në Ligën e Kampionëve; 14.7 milionë euro nëse në Ligën e Evropës.
– Juventus: 42.6 milionë euro (Ligë e Kampionëve); 14.4 milionë euro (Ligë e Evropës).
– Milan: 38.5 milionë euro (Ligë e Kampionëve); 13.4 milionë euro (Ligë e Evropës).
– Como: 34.9 milionë euro (Ligë e Kampionëve); 12.7 milionë euro (Ligë e Evropës).
Shpërblimet direkte nga Serie A, të ndara sipas renditjes përfundimtare dhe sipas burimit, janë përcaktuar kështu:
– Vendi i 1-rë (Inter, i siguruar matematikisht): 15.7 milionë euro.
– Vendi i 2-të (Napoli): 13.2 milionë euro.
– Vendi i 3-të (Milan): 11.3 milionë euro.
– Vendi i 4-t (Roma): 9.4 milionë euro.
– Vendi i 5-t (Como): 8.1 milionë euro.
– Vendi i 6-t (Juventus): 6.9 milionë euro.
– Vendi i 7-t (Atalanta, i siguruar matematikisht): 5.6 milionë euro.
Në përmbledhje, përfitimet totale të klubeve që do të arrijnë në Europa League ose Ligën e Kampionëve varen si nga pozicioni në kampionat, ashtu edhe nga mënyra e ndarjes së fondeve nga UEFA, ku historiku europian dhe tregu televiziv luajnë rol kyç.
