Napoli pësoi një humbje të rëndë ndaj Lazios në ‘Maradona Stadium’ të shtunën, që i shuan shpresat për titullin. Trajneri Antonio Conte shfaqi zhgënjim pas ndeshjes dhe pranoi se skuadra nuk bëri një paraqitje të mirë: “Flaka u shua? Me siguri nuk kemi bërë një ndeshje të mirë… shfaqëm pak cilësi, Lazio na priste, u mbyll dhe u rinis. Kishim 70% në zotërimin e topit, por bëmë vetëm 1 gjuajtje në drejtim të portës kundërshtare.” Conte vuri në dukje se lojtarët e Lazios dinin të mbylleshin dhe se Napoli pati vështirësi për të gjetur hapësira; në nisje skuadra dukej me pak energji, çka më pas ndikoi në uljen e cilësisë së lojës. Ai përmendi gjithashtu se pësuan gol në kundërsulm dhe një penallti, duke theksuar se “mund të bënim më mirë”.
Conte sugjeroi se skuadra ka marrë një goditje psikologjike pas barazimit me Parmën, rezultat që i dha mundësi Interit të shkëputej më shumë në renditje. Ai pranoi mundësinë se ndoshta nuk e kuptoi gjendjen jo të mirë pas sfidës me Parmën dhe se ndoshta nuk arriti t’u jepte motivimin e nevojshëm për të luajtur për maksimumin në ndeshjet e fundit: “Ndoshta nuk isha unë i aftë që të kuptoja gjendjen jo të mirë… ndoshta nuk isha i zoti që të jepja motivimin për të dhënë maksimumin.” Conte theksoi nevojën për t’u përqendruar në sigurimin e zonës Champions, që ajo skuadër synon tani.
Përsa i përket diskutimeve mbi të ardhmen e tij dhe zërave për një kthim te kombëtarja e Italisë, Conte u shpreh i lodhur nga spekulimet: “I bezdisur për diskutimet për të ardhmen? Edhe vitin e kaluar, 2 muaj nga fundi i sezonit u fol për skuadra të tjera, e ardhmja…” Ai shtoi se shpesh fjalët e tij keqkuptohen dhe instrumentalizohen dhe se preferon të heshtë deri në përfundim të kampionatit, duke shtuar se pas skenave mund të flitet, por për respekt ndaj tifozëve duhet të mendojë vetëm për ndeshjet e mbetura. Përsa i përket deklaratave të presidentit De Laurentiis, Conte tha se është çështje e presidentit dhe, nëse do jetë e nevojshme t’i përgjigjet, do ta bëjë në privat e jo publikisht.
