Një javë pas nisjes së konfliktit në Lindjen e Mesme, qeveria shqiptare pritet të zhvillojë një takim me operatorët e tregut të karburanteve, përballë shtrenjtimit të naftës. Çmimi i naftës në Shqipëri është rritur sërish, duke arritur në 182-184 lekë për litër, nga 175-179 lekë që ka qenë vetëm disa ditë më parë.
Kjo rritje e çmimit lidhet me rritjen e çmimeve të naftës në bursë, si pasojë e tensioneve në rajon. Aktualisht, çmimi për fuçi naftë bruto ka arritur në 91 dollarë, duke shënuar rritjen më të madhe që prej fillimit të konfliktit, kur ai tregtohej rreth 70 dollarë për fuçi.
Të dhënat e doganave tregojnë gjithashtu se çmimi i naftës së importuar, i bazuar në çmimet e bursës PLATTS, është rritur nga 888 dollarë për ton në datën 2 mars, në 1112 dollarë për ton më 5 mars. Çmimi i naftës në Shqipëri mbetet i lartë, duke peshuar në të mbi katër taksa: akciza, taksa e karbonit, taksa e qarkullimit dhe TVSH-ja prej 20%. Kjo bëjnë që vetëm taksat të arrijnë një vlerë prej 100-110 lekë për litër.
Pritet që takimi i qeverisë me operatorët e tregut të disksutojë këto rritje çmimesh, duke synuar menaxhimin më të mirë të situatës në tregun e karburanteve dhe ndikimin e konfliktit në rajon mbi ekonominë vendase.
