ITALI– Gazetari i njohur investigativ i Rai-t, Sigfrido Ranucci, ka rrëfyer momentet dramatike të shpërthimit dhe mesazhin që, sipas tij, autorët kanë dashur të përcjellin. Në një intervistë Euronews Albania, Ranucci tregoi rrezikun e atentatit duke u shprehur se vajza e tij shpëtoi për pak dhe se mund të kishin ngelur të vrarë atë natë. Më tej gazetari theksoi se dinamika e ngjarjes lë të kuptohet se autorët kanë dashur të dërgojnë një mesazh frikësues, për ta paralajmëruar se mund të goditet në çdo moment.
“Ishte ora 10 e mbrëmjes të enjten kur shpërtheu ky eksploziv, që përmbante një kile lëndë shpërthyese dhe ishte bërë nga ekspert; ishte vënë në makinën time, ku shpërtheu makina ime dhe e vajzës sime. Ndodhi pasi vajza ime ishte kthyer në shtëpi; për fat, nuk i ndodhi asgjë. Por fuqia e tij mund të na kishte vrarë. Kjo është pak dyshimi im në këto momente, sepse nuk e kuptoj cili ka qenë qëllimi, arsyeja ose domethënia. Është vendosur në një pikë ku unë kaloj shpesh. Mesazhi që ndoshta ata duan të japin është se mund të qëllojnë ty në çdo moment. Qëllimi është të na trembin ne, por kjo është një mision i pamundur,” tha Ranucci.
