Rihapet totalisht grupi “E”. Dita e tetë e Kupës së Botës, Katar 2022 nisi me surpriza. Kosta Rika, pas humbjes së thellë në ndeshjen e parë ndaj Spanjës triumfoi 1-0 ndaj Japonisë, që mposhti Gjermaninë.
Në këtë grup gjithçka është e hapur, pasi kjo sfidë çon ujë në mullirin e Gjermanisë që në mbrëmje do të luajë ndaj Spanjës.
Japonia, Spanja dhe Kosta Rika kanë nga tre pikë dhe Gjermania zero. Nëse Spanja fiton sonte kalon në fazën tjetër. Gjermanisë i duhet me patjetër fitorja.
