Reshjet e dendura të shiut që ranë gjatë natës kanë krijuar probleme në disa zona të Bashkisë Rroskovec, qarku Fier. Sipas burimeve zyrtare, aktualisht janë raportuar vështirësi në furnizimin me ujë të pijshëm si dhe mungesa të energjisë elektrike në disa lagje dhe fshatra të njësive administrative.
Autoritetet vendore bëjnë me dije se grupet e punës ndodhen në terren. Deri tani nuk raportohet për dëme të tjera materiale apo për rrezik për banorët.
Reshjet intensive kanë prekur të gjithë qarkun e Fierit, ndërsa Rroskoveci është një nga zonat ku janë ndier më së shumti problematikat në rrjetin e furnizimit të energjisë elekektrike dhe ujit të pijshëm.
