Kyriakos Mitsotakis i shoqëruar nga kryeministri Edi Rama ishte sot në Derviçan. Pas pritjes së organizuar nga bashkia e Dropullit, të dy mbajtën nga një fjalim. Edi Rama tha se minoriteti është një urë lidhëse e fortë mes dy vendeve.

“U kisha premtuar se do ta sillja të birin e të atit dhe ja ku e keni. Është vërtetë prekëse edhe mua që nuk jam pjesë e minoritetit që të jem sot këtu pas 30 vitesh që i pari dhe i fundit kryeministër i Greqisë ndaloi për të përshëndetur vëllezërit dhe motrat.

Për hir të së vërtetës me shumë kënaqësi e ka pritur këtë ftesë. Duhet të vinim pas samitit, por më mirë akoma, sepse nuk ka ditë më të bukur se për të ardhur këtu sesa në një vigjilje Krishtlindjesh.

Në mes tonë kemi djallin vetë, Pirro Dhimën, nuk kanë lënë gjë pa i thënë, por cfarë nuk të vret të bën më të fortë dhe unë si tradhtar profesionist të përshëndes. Mitsotakis të konsiderojmë mik dhe vëlla këtu në vendin tonë” tha Rama.