Kryeministri Edi Rama, gjatë konferencës së përbashkët me kancelarin gjerman Olaf Scholz dhe presidenten e KE, Ursula von Der Leyen risolli në vëmendje valën e emigrantëve shqiptarë të ciëlt disa vite më parë udhëtonin drejt Gjermanisë.
Rama tha se ndryshe nga Britania e Madhe, Gjermania i trajtoi shqiptarët me respekt dhe askush nga diplomatët nuk doli tu drejtohej shqiptarëve si “kriminelë”.
“Gjermania disa vite më parë pati një problem të ngjashëm ku me valën e mahde të krizës së regugjatëve nga rajoni ynë por edhe nga Shqipëria shkuan dhe nuk dëgjova asnjë poliitkan gjerman të flasin për pushtim. Nuk dëgjova kurrë as një politikan gjerman e jo më ministra të qeverisë të flasin se shqiptarët janë kriminelë dhe sjellin kriminelë, pashë një qeveri mjaft të interesuar për ta trajtuar çështjen me respekt për shqiptarët dhe për të ecur në mënyrë konkrete së pari duke e rradhitur Shqipërinë në vendet e origjinës së sigurt, duke forcuar sistemin e aplikimeve dhe duke i dhënë fund praktikisht asaj trazie të atij momenti në mënyrë më dinjitoze dhe më të respektuar”, tha Rama.
Gjithashtu kryeministri u bëri thirrje diplomatëve britanikë se problemet që kanë në vendin e tyre ti zgjidhin dhe mos fajsojnë shqiptarët dhe për këtë të marrin shembull nga Gjermania dhe të shkojnë aty për të mësuar se si të dalin nga kjo situatë.
Ndër të tjera, kryeministri citoi shifra që dëshmojnë se 70% e 140, 000 shqiptarëve në MB, jetonin më parë në vende të pasura evropiane si Italia dhe Greqia, dhe nuk kishin udhëtuar direkt nga Shqipëria dhe se se 1200 prej tyre ishin biznesmenë dhe gra.
“Ndaj, në vend që të ndizej një narativë e çmendur gangësterësh për të maskuar politka të dështuara lidhur me kufirin dhe krimin përfaqësuesit britanikë duhet të vijnë në Gjermani të mësojnë shpejt dhe të ndreqin problemet e veta. Ne nuk jemi këtu që ti ndreqim problemet dhe së dyti më duhet të kujtoj se qytetarët tanë që kanë mbërritur në Francë kanë qenë të lijgjshme nëse ka një problem në kanali le të gjejnë një zgjidhje. Në fund të fundit ne jemi shumë të lumtur të bashkëpunojmë dhe të bëjmë gjithçka nga ana jonë por nuk dueht ta pranojmë kurrë këtë retorike. Shqiptarët në Britani janë një komuniteti i shkëlqyer 70% e tyre dhe nuk janë miliona janë 140 mijë dhe për 140 mijë persona të një komuniteti tjetër Gjermania nuk do i kishte llogaritur që janë një numër i lartë”, shtoi kryeministri.
