Lara Colturi, skiatorja 19-vjeçare, debutoi në Lojërat Olimpike Dimërore të Milano-Cortina me një fillim të shkëlqyer, duke u renditur e katërta në zbritjen e parë me një kohë prej 1 minutë e 3 sekonda e 97 të qintat. Ajo arriti të kalojë emra të njohur si Mikaela Shiffrin dhe Camille Rast, pas vetëm tri skiatorëve: Federica Brignone, Lena Duerr dhe Sofia Goggia.
Megjithatë, pritshmëritë për medalje u rritën pas këtij rezultati, por në zbritjen e dytë Colturi pësoi një rënie, duke bërë disa gabime dhe duke mbyllur garimin me një kohë 1 minutë e 10 sekonda e 85 të qintat. Në përfundim, ajo u pozicionua në vendin e 16 me një kohë të përgjithshme prej 2 minuta e 14 sekonda e 82 të qintat.
Një tjetër skiatore shqiptare, Semire Dauti, garoi në Slalomin gjigant, por përfundoi në vendin e 44 pas dy zbritjeve. Nga ana tjetër, skiatorja nga Kosova, Kiana Kryeziu, kishte një fat të keq duke u skualifikuar që në zbritjen e parë pa përfunduar garimin për shkak të një gabimi.
Në anën tjetër, medalja e artë shkoi për Federica Brignone, e cila u rikthye pas më shumë se 300 ditë dëmtimi. Medaljet e argjendta u ndanë mes Sara Hector dhe Thea Louise Stjernesund, të cilat regjistruan kohë të njëjtë.
Të tjera garues të ekipit shqiptar do të zbresin sërish në pistë më 18 shkurt në garën e Slalomit, ndërsa gara e slalomit për meshkuj është e programuar për më 16 shkurt, ku do të garojë Denni Xhepa.
