Kandidati i koalicionit VLEN për komunën e Çairit, Izet Mexhiti, ka shpallur fitoren në zgjedhjee kësaj të diele duke e cilësuar rezultatin si një moment historik për shqiptarët dhe fundin e një epoke politike.
“Sot me zemrën plot dua të them se fituan shqiptarët dhe një klasë politike u pensionua”, deklaroi ai, duke theksuar se Çairi “mbrojti nderin dhe dinjitetin e shqiptarëve”.
Sipas tij, kjo fitore shënon lindjen e një realiteti të ri politik që sjell ndryshim dhe përfaqësim të ri për komunitetin shqiptar. “Është fitore e një klase politike që erdhi për të sjellë ndryshim dhe po e bën këtë ndryshim real”, tha Mexhiti, shkruan A2 CNN.
Në fund, kandidati i VLEN-it i dërgoi një mesazh të drejtpërdrejtë kundërshtarit të tij politik, Ali Ahmetit: “Është koha të shkosh në pension.
