Në këtë 5Maj, kreu i Partisë së Lirisë Ilir Meta, ka zhvilluar homazhe në Varrezat e Dëshmorëve.
Meta u shpreh se kjo ditën na kujton gjakun që është derdhur për çlirimin e Shqipërisë.
Ai tha se Partia e Lirisë duhet t’i dalë zot vendit dhe mbi të gjitha Atdheut. ‘Ndaj kemi në fokus 5 prioritete kryesore për 4 milionë shqiptarë’, tha Meta.
“Kjo ditë na kujton sa gjak është derdhur për çlirimin dhe lirimin e Shqipërisë. Në këtë ditë që na kujton se liria e ka çmimin shumë të shtrenjtë dhe duhet bërë çdo sakrificë për të mbrojtur dhe për ta merituar atë.
Jemi këtu sepse besojmë te shenjtëria e gjakut të dëshmorëve. Besoj shumë te Atdheu, dhe Atdheu na duhet të jetojmë të lirë dhe të mos harrojmë që themeluesit e kësaj force politike 20 vite më parë, krijuan një forcë të re politike.
Kjo forcë politike duhet t’i dalë zot vendit dhe mbi të gjitha atdheut. Ndaj kemi në fokus 5 prioritete kryesore për 4 milionë shqiptarë” u shpreh kreu i PL.
