Moti i keq ka shkaktuar probleme jo vetëm në Tiranë dhe Durrës, por edhe qytete të tjera nga Jugu në Veri. Shumë rrugë u bënë të pakalueshme nga reshjet.
Mes tyre edhe “Rruga e Arbrit” ishte thuajse e pakalueshme për rreth një orë për shkak të vërshimit të ujit dhe dherave.
Për shkak të mungesës së kanaleve kulluese anësore i gjithë uji i shiut ka rënë në asfalt duke marrë me vete edhe dhera e gurë.
Ndërkohë uji është futur edhe brenda tuneleve në fshatin Shkallë. Rënie gurësh ka patur edhe në aksin tjetër nacional nga Burreli në Skuraj.
