Edhe pak ditë do të nisë në SHBA, Meksikë dhe Kanada kampionati botëror i futbollit. Franca shkon në këtë eveniment si skuadra nënkampione e botës, dhe për skuadrën e drejtuar nga Didier Deschamps pritshmëritë janë të larta. Ylli i përfaqësueses së Francës, Kylian Mbappé, në një intervistë për Sportëeek foli për këto pritshmëri dhe për presionin që vjen me rolin e skuadrës.
Mbappé tha se është i qetë ndaj presionit dhe theksoi se nuk duhet bërë gabimi i festimit të sukseseve para nisjes së ndeshjeve: “Presioni? Unë jam i qetë, nuk duhet të bëjmë gabimin të fitojmë ndeshje përpara se të zbresim në fushë” – tha Kylian Mbappé – “kemi një grup fantasrtik dhe mund të bëjmë diçka të mirë”. Me këtë ai shprehu besimin në cilësinë e grupit dhe shpresën për një paraqitje të mirë në Botëror, pa ekzagjeruar pritshmëritë para ndeshjeve të para.
Në intervistë ai komentoi edhe mungesën e Italisë në Botëror, duke shprehur keqardhje për këtë fakt. Italia për herë të tretë radhazi nuk arriti të kualifikohet për turneun, një situatë që Mbappé e konsideron të trishtueshme për historikun e kësaj kombëtareje. “Më vjen shumë keq. Unë jam shumë i afeksionuar, kam luajtur me lojtarë të mëdhenj italianë, Donnarumma, Verratti, Buffon. Është për të ardhur keq sepse Italia është një vend i madh i futbollit” – tha Mbappé, duke theksuar lidhjet personale dhe profesionale me disa nga emrat më të njohur italianë.
Lajmi vjen ndërsa fokusi zhvendoset te fillimi i turneut dhe pritshmëritë e skuadrave të mëdha, me Francën dhe yjet e saj që premtojnë qetësi dhe përqendrim përpara ndeshjeve. (Top Channel)
