Komisioni Europian ka hartuar një draft raport për Sundimin e Ligjit, nga ku analizohet me detaje ecuria e reformës në drejtës në Shqipëri, përfshi sfidat me luftën ndaj korrupsionit. • Komisioni Evropian ka ngritur shqetësime të shumta në lidhje me presionet ndaj drejtësisë në vendin tonë, pas arrestimit të kryebashkiakut Erion Veliaj, ku presionet e maxhorancës ndaj sistemit të drejtësisë kanë qenë të shumta.
Për mandatet e Gjykatës Kushtetuese, Komisioni Evropian nënvizon se pasiguria ligjore për mandatet e anëtarëve të saj, përbëjnë një shqetësim të madh. • KE ka kritikuar dhe dy institucionet e drejtësisë së vend KLP-në dhe KLGJ-në në lidhje me emërimet.
Ndërkohë që thekson se në Shkollën e Magjistraturës ka pedagogë që janë të larguar për shkak të Vettingut. • Për luftën kundër korrupsionit KE thekson se numri i referimeve në SPAK nga institucionet e tjera në vend është shumë i ulët dhe duhet që të rritet.
Hetimet financiare për krimin e organizuar, zënë një vend të rëndësishëm në raportin e KE, ku nënvizohet se Shqipëria ende nuk ka demonstruar një praktikë të besueshme dhe të qëndrueshme të nisjes së hetimeve financiare paralele në rastet që lidhen me krimin e organizuar.
Jeta politike në vendin tonë sipas Komisionit Evropian mbetet në një mjedis shqetësues. • Trafikimi i qenieve njerëzore në Shqipëri mbetet shqetësim i lartë për Komisionin Evropian, ku theksohet se Shqipëria ende nuk ka kapacitete për zbulimin, hetimin dhe ndjekjen penale të rrjeteve të trafikimit të qenieve njerëzore.
