Presidenti i Partisë së Lirisë, Ilir Meta u shpreh sot se gjykata Kushtetuese është e kapur nga kryeministri Edi Rama dhe se qëndrimet e saj, referuar mandatit të Olta Xhaçkës duhet të ishin të prera dhe të qarta me kohë.
“Konflikti i interesave është në nivelet me të jashtëzakonshme. Gjykata Kushtetuese është i kapur nga Rama-forma. Qëndrimet e saj duhet të kishin qenë të qarta dhe të prera me kohë” tha Meta.
Në lidhje me zgjedhjet në Himarë, Meta theksoi se gjithçka është pjesë e një skenari mafioz dhe se mazhoranca kërkoi të marrë me dhunë dhe forcë bashkinë e Himarës.
Ai shtoi se Partia e Lirisë do të mbajë të njëjtin qëndrim me Partinë Demokratike. “Gjithcka është bërë fakti i kryer, duke tentuar të marrë me dhunë bashkinë e Himarës.
Eshtë e qartë që vendi është në momentet më të errëta të demokracisë dhe respektimin të shtetit ligjor pasi të gjithë e dimë që për të lejuar Belerin për të bërë betimin ishte e pamundur dhe për ta çuar në KQZ për t’i hequr mandatin ishte e mundur. Në lidhje me bashkinë e Himarës do të kemi të njëjtën qëndrim me PD” u shpreh ai.
