Donyell Malen nuk ndalet më. Në ndeshjen e javës së dytë të Serie A Roma fitoi në transfertë ndaj Lecces me rezultatin 4-0. Në dispozicion u kthye Medon Berisha, por nuk u aktivizua, ndërsa holandezi u bë sërish protagonist absolut, ashtu si në ndeshjen me Fiorentinën.
Vetëm 4 minuta zgjati rezultati 0-0 në Via del Mare. Në këtë moment Malen shfrytëzoi një gabim të Gaspar pas një aksioni të Dybala dhe i dha avantazhin Romës me një gjuajtje të fortë me të djathtën, duke hapur festivalin e golave për verdhekuqtë. Skuadra e Gasperinit nuk e uli ritmin; në minutën e 23 erdhi edhe goli i dytë, sërish nga Malen, i cili shfrytëzoi krosimin e ëesley dhe mposhti portierin Falcone për 2-0. Vetëm dy minuta më pas, Soule, i gjetur saktë nga Malen, shënoi golin e tretë dhe Roma shkoi në pushim me avantazhin 3-0.
Në pjesën e dytë, Gasperini hodhi në fushë blerjen e re Rodrigo Mora, i cili në minutën e 65 shënoi golin e tij të parë me fanellën verdhekuqe pas një asisti të Mancinit në një aksion të nisur nga Malen. Në fazën finale të ndeshjes, Roma uli ritmin dhe administronte avantazhin; madje Gasperini i dha mundësinë De Roon të bëjë debutimin, 6 minuta nga fundi i ndeshjes.
Ndeshja u mbyll 4-0 për Romën, që fluturon në krye të klasifikimit me 6 pikë, po aq sa edhe Interi, Milani, Juventus dhe Lazio, të gjitha skuadrat me 8 gola të shënuar dhe asnjë të pësuar në dy ndeshjet e para të sezonit. Lecce mbetet me 3 pikë pas suksesit të arritur ndaj Venezian në javën e parë.
Gjatë takimit u evidentuan ndikimi dhe përfitimet e aksioneve të nisura nga Malen, që përbën pikën qendrore të sulmit verdhekuq, ndërsa ndryshimet e Gasperinit në pjesën e dytë konsolidojnë rezultatin dhe japin hapësira për debutime dhe integrime të blerjeve të reja.
