Katër të rinj janë aksidentuar në Itali. Dy vajza, njëra prej të cilave shqiptare vdiqën dhe dy të rinj u plagosën kur makina me të cilën udhëtonin u përplas.
Pavarësisht ndihmës, mjeku ka mundur vetëm të konstatojë vdekjen e dy vajzave të moshës 17 dhe 19 vjeç.
Viktimat janë Eralda Spahillari 19-vjeçe, banuese në Ponte di Piave dhe Barbara Brotto, 17-vjeçe nga Oderzo.
Të katër, të gjithë të rinj, ndodheshin në makinën që drejtohej nga një 19-vjeçar nga Pordenone.
Për shkaqe nën hetim, makina ka dalë nga rruga, duke u përplasur me një pemë në krahun e kundërt me drejtimin e saj të lëvizjes.
