Trajneri i PSG, Luis Enrique, deklaroi se skuadra e tij është më e motivuar se kurrë para finales së Ligës së Kampionëve kundër Arsenalit dhe vlerësoi se Arsenali është aktualisht skuadra më e fortë angleze dhe meriton vëmendje të madhe. Ai tha se Hakimi dhe Nuno Mendes janë shëruar dhe mund të luajnë në ndeshjen e nesërme.
Enrique përmendi se të dy skuadrat kanë ide të ngjashme, por kanë ndjekur rrugë të ndryshme: Arsenali shënon shumë gola, ndërsa PSG ka një organizim të fortë në mbrojtje. Sipas tij, skuadra ka punuar për t’u dhënë lojtarëve pushim në fund të seancave stërvitore dhe ka pasur kohë për të analizuar mirë kundërshtarin. Ai theksoi se ekzistojnë fusha për përmirësim, si në sulm ashtu edhe në mbrojtje, dhe se duhet dhënë më e mira sepse mund të mos rikthehesh shpesh në finale të këtij kompeticioni.
Trajneri shpalosi preferencën e tij për një ndeshje me gola, duke përmendur dëshirën për një rezultat si 5-4, dhe kujtoi se ndeshja e dytë ishte barazim. Ai shtoi se për të qenë i sinqertë, përballja me Bayern ishte ajo që e ka shijuar më shumë në Ligën e Kampionëve. Enrique rikujtoi edhe ndeshjet kundër Chelseat, Monacos dhe Liverpoolit si prova që treguan se çfarë ekipi është PSG.
Kjo finale është e dyta për PSG në Ligën e Kampionëve dhe trajneri e konsideroi moment historik për klubin. Ai foli për vështirësitë e të folurit për një finale, duke përmendur se finalja e sezonit të kaluar ishte e jashtëzakonshme, por se në këtë moment nuk e sheh ndonjë favorit të qartë dhe se detajet e vogla do të vendosin, ndërsa pritshmëria dhe tensioni do të jenë të mëdha.
Enrique theksoi se nëse humbet tre ndeshje radhazi krijohet “kaos”, kurse fitoret e njëpasnjëshme e bëjnë situatën normale, duke theksuar që gjatë tre sezoneve të fundit PSG ka treguar futboll cilësor dhe qëndrueshmëri. Ai deklaroi se niveli aktual ishte qëllim i tij, i klubit dhe i drejtorëve sportivë, duke shtuar se ekipea e meritonte të fitonte Ligën e Kampionëve vitin e kaluar dhe se arritjet janë më të lehta me lojtarët që kanë.
