Shqipëria e Sylvinho-s e nisi me humbje fushatën kualifikuese të Euro 2024. Kombëtarja u mund me rezultatin 1-0 nga Polonia në takimin e zhvilluar të hënën në Varshavë.
Trajneri brazilian i kuqezinjve në të parën e tij me një formacion më sulmues pati edhe debutues si Jasir Asani dhe Anis Mehmeti. Polonia e filloi në sulm, por rasti i parë i vërtetë ishte në të 14’, një goditje nga larg e Zalewski që u prit nga Strakosha.
Futbollistët e Shqipërisë me kalimin e minutave iu afruan zonës polake, ndërsa në të 22’ Çikalleshi goditi portën kundërshtare, por Szczesny arriti ta grushtojë topin.
Në të 58’, Uzuni dhe Asllani iu afruan golit, por Szczesny u shfaq i vëmendshëm duke ndalur goditjet e lojtarëve kuqezi. Mihaj shpëtoi Shqipërinë nga goli i dytë, duke mos lejuar Lewandowski të shënonte me portën e boshatisur.
Gjatë pjesës së dytë Sylvinho bëri disa ndryshime, ndërsa Uzuni mund të barazonte në minutat e fundit.
Grupi kryesohet nga Çekia me 4 pikë pas barazimit 0–0 në fushën e Moldavisë, kundërshtari i radhës i Kombëtares më 17 Qershor në Tiranë.
