AC Milan ka njoftuar se Ruben Loftus-Cheek ka pësuar një traumë të rëndë në fytyrë, që ka rezultuar në frakturë të procesit alveolar të nofullës. Pas kësaj, ai u pranua në departamentin e Kirurgjisë Maksilofaciale dhe Klinikës Dentare të ASST Santi Paolo e Carlo, ku iu nënshtrua një operacioni sot, i drejtuar nga Dr. Luca Autelitano. Procedura kishte për qëllim të zvogëlonte dhe stabilizonte frakturën, dhe për fat të mirë u realizua me sukses. Ruben tani është mirë dhe ka lënë spitalin, me një periudhë rikuperimi që parashikohet të zgjasë rreth tetë javë.
Loftus-Cheek, në një postim në rrjetet sociale, shprehu mirënjohjen e tij për stafin mjekësor që e trajtoi, duke theksuar profesionalizmin dhe kujdesin e shfaqur. Ai gjithashtu vlerësuari mbështetje e tifozëve, duke treguar se mesazhet e tyre e ndihmuan për të përballuar situatën. Ai e mbylli mesazhin duke theksuar unitetin e ekipit dhe ambicien për të vazhduar drejt arritjes së qëllimeve, duke theksuar se ata janë si një familje.
Me këto zhvillime, AC Milan dhe tifozët e saj shpresojnë që Loftus-Cheek të rikthehet shpejt në fushë, duke kontribuar në suksesin e ekipit në vazhdim.
