Edi Rama: Asnjëherë që nga 1912 dhe deri kur ne, PS i hymë detit në këmbë për të nxjerrë reformës në drejtësi nuk kishte bërë vaki që një shkelës ligji të trajtohej. Rasti i vetëm kur një njeri me pushtet është dënuar nga gjykata e këtij vendi, Fatos Nanos, ishte rasti i fundit i traditës shtetërore shqiptare të burgosjes politike. Duam një drejtësi të re, të ndershme në hetimet dhe gjykimet e saj. Nuk kam folur për të folur në rregull me manualin e komunikimit të të parit të qeverisë.
Duam një përmbysje të sistemit të vjetër të drejtësisë. Nuk jam përpjekur thjesht për korrupsionin e nivelit të lartë të atyre që dje në qeverisje grabitën dhe nuk u ka hyrë akoma asnjë gjemb në këmbë, por edhe korrupsionin në qeverisjen tonë. Unë nuk pajtohem me askënd që abuzon këtë besim duke kthyer mandatin e shqiptarëve dhe besimin tim në një mundësi për të fryrë xhepin.
Unë jam gati të mbaj baltën që kundërshtarët më hedhin por nuk kam qenë dhe nuk jam gati të mbaj në shpinë bashkë me PS-në, askënd që e kujton kurrizin e një kali që mund të shijë për vete në lëmin e pushtetit të marrë nga populli. Dua një drejtësi të shikojë drejt pa ulur sytë majtas apo djathtas. Kur ndodh janë njerëz që ke ndarë ditë të mira apo të vështira kjo bëhet më e vështirë.
Arben Ahemtaj është një nga bashkëpunëtorët që jam takuar më shumë, kam komunikuar më shumë në telefon dhe kam diskutuar shumë. Nuk më takon të them nëse është fajtor apo i pafajshëm, por ndryshe nga një rast i disa viteve më parë, rasti i sotëm, ku kërkesa e prokurorisë duhej miratuar, pasi këtë herë na u vendos përpara dosja e një pune voluminoze. Ajo dosje krijon përshtypjen për të mos e ndaluar autorizimin. Tani ta tregojë drejtësia nëse është rast fajësie apo pafajësia. Por nuk mbyllet këtu ky mesazh. Më duhet e udhës ti vendos disa pika.
