Java e 33-të e Kategorisë Superiore hapet me derbin e kryeqytetit mes Tiranës dhe Partizanit, përballje që këtë sezon ka marrë një tjetër kuptim dhe po luhet më shumë si mundësi për të dalë nga momentet e vështira për të dyja ekipet. Tirana vjen e nën presion, pasi pozicionimi në renditje e mban pranë zonës së rrezikut dhe tre pikët do të ishin një hap i madh drejt sigurimit. Partizani kalon një periudhë negative dhe e sheh sfidën si shans për të mbajtur gjallë objektivin e “Final Four” dhe për të siguruar një vend në garat europiane. Dueli në “Arenën Kombëtare” pritet të jetë vendimtar për fatet e sezonit të të dyja skuadrave.
Rezultati live: TIRANA 1-1 PARTIZANI (Kresic 66′ / Human 22′).
Ngjarjet kryesore: 1′ starton sfida. 5′ përplasje mes Sidibe dhe Ndong pas faulleve, gjyqtari Lata e zgjidh me këshillim. 7′ Sembene tenton me një top të gjatë të gjejë Isgandarli, sulmuesi sinjalizohet në pozicion jashtë loje. 18′ momente paniku në zonën bardheblu nga harkimet e Partizanit pas këndores. 19′ Qaka ndëshkohet me të verdhë për një faull ndaj Kobiljar. 22′ GOOOL PARTIZANI 0-1 – aksion i rrëmbyeshëm në të djathtën me Sidibe, pasimi shkon te Human i cili mposht Bekajn. 35′ gafë e Sembene që nuk mbyll mirë; Qirkon largon keq topin te Mysloviç i cili provon të shënojë nga gjysmëfusha, por nuk gjen portën. 45′ akordohen 2 minuta shtesë; 45+3′ mbyllet pjesa e parë; 46′ nis pjesa e dytë. 53′ pas një goditje këndi, Tabeku gjuan me kokë por nuk gjen katërkëndorin. 54′ tjetër gabim i Sembene në prapavijë; Mysloviç gjuan fluturimthi dhe detyron Qirkon të bëjë një grushtim për të shmangur golin. 66′ GOOOL TIRANA 1-1 – pas një krosimi në zonë, Kresic godet me kokë dhe mposht më në fund Qirkon, duke rikthyer baraspeshën.
Formacionet zyrtare: TIRANA: Bekaj, Vera, Ndong, Halili, Kreshiç, Rafael, Mysloviç, Kobiljar, Haxhiu, Xhixha, Tabeku. Trajner: Orges Shehi. PARTIZANI: Qirko, Preka, Sembene, Atanaskoski, Murataj, Qaka, Dumbia, Hjumën, Isgandarli, Sidibe, Kontreras. Trajner: Oltijon Kërnaja. Top Channel.
