“Live me Luizin” nisi rrugëtimin e tij me të ftuarën e parë, Alketa Vejsiu. Gjatë një bisede të ngrohtë dhe të sinqertë, Luiz Ejlli u ndal te eksperienca e saj në festivalin e Sanremos, të cilën moderatorja e përshkroi si realizimin e ëndrrës së fëmijërisë. Ajo zbuloi gjithashtu disa prapaskena nga pjesëmarrja e saj në festival, duke treguar se organizatorët ia kishin hequr një pjesë të rëndësishme të performancës që kishte përgatitur.
Në intervistë, Luiz tha se ndryshimet ishin bërë për shkak të prezencës së Cristiano Ronaldo në sallë dhe dëshirës për t’i dhënë rëndësi tij dhe shoqes së tij, Georgina. “Ata më hoqën një pjesë të rëndësishme, sepse Ronaldo (Cristiano Ronaldo) ishte në sallë dhe donin audiencë nga ai dhe i dhanë atij rëndësi. Më thanë që Georgina duhej të kishte më shumë pjesë, dhe më kishin hequr më shumë se gjysmën e atyre që duhej të bëja,” tha ajo, duke shprehur displejerin për skemën e ndarjes së minutave në skenë. Në mënyrë ironike ajo komentoi se përfaqësimi i Shqipërisë ishte reduktuar në mënyrë të konsiderueshme: “dhe thashë të dalë Shqipëria me një kockë për të lëpirë… shqiptari do thelën më të mirë të mishit.” (qesh)
Pavarësisht këtyre kufizimeve, Luiz theksoi vendosmërinë e saj për të shfrytëzuar momentin dhe për të lënë gjurmë: “ose do marrim më të mirën nga ky moment, ose do dal e turpëruar si një njeri që doli për të dalë. Unë do dal që të jem e kujtuar për këtë momentin këtu”. Ajo shtoi se ndjeu peshën e përfaqësimit të vendit, si dhe rëndësinë e ëndrrës dhe ambicies personale, dhe për këtë arsye vendosi “të vjedhë këtë moment” për t’u kujtuar për performancën e saj.
