Një banesë njëkatëshe në lagjen “Skënderbeg” të qytetit të Lezhës ka shpërthyer në flakë mëngjesin e kësaj të enjte. Ngjarja është ndodhur rreth orës 08:00, ku zjarri ka shkrumbuar një nga dhomat e shtëpisë. Sipas informacionit, në momentin e shpërthimit të zjarrit, brenda nuk ndodhej asnjë anëtar i familjes.
Fqinjët e kanë konstatuar zjarrin dhe kanë njoftuar menjëherë shërbimin zjarrfikës dhe policinë. Autoritetet po hetojnë rrethanat e këtij incidenti. Të dhënat paraprake sugjerojnë se shkaku i zjarrit dyshohet të jetë një rezistencë elektrike e lënë e ndezur.
Grupi hetimor vazhdon punën për të zbardhur plotësisht ngjarjen.
