Fulham po finalizon marrëveshjen për transferimin e talentit Gonzalo nga Real Madrid, ndërsa edhe César Palacios pritet të bashkohet me klubin londinez. Sipas raporteve nga Spanja, Fulham do të paguajë rreth 40–42 milionë euro për 70% të të drejtave të Gonzalos; Real Madridi do të mbajë 30% të kartonit, duke ruajtur mundësinë për ta rikthyer lojtarin në të ardhmen nëse ai vazhdon zhvillimin. Klubi madrilen e konsideron këtë lëvizje si një mundësi jo vetëm për përfitime financiare, por edhe për rritjen profesionale të sulmuesit, dhe planifikon të mbajë kontroll mbi të ardhmen e tij përmes një klauzole preferenciale.
Paralelisht, Fulham po negocion edhe për César Palacios, një tjetër produkt i akademisë së Real Madridit. Negociatat për Palacios po zhvillohen në mënyrë të ndarë, por paralele me ato për Gonzalon, dhe pritet të përfundojnë brenda pak ditësh. Transferimi i Palacios vlerësohet të arrijë midis 7 dhe 10 milionë eurosh, ndërsa edhe për këtë futbollist Real Madridi nuk pritet të shesë 100% të kartonit, duke ruajtur një pjesë të të drejtave.
Roli i Álvaro Arbeloas ka qenë vendimtar në drejtim të zhvillimit të këtyre bisedimeve. Fillimisht, Palacios ishte shumë pranë kalimit te Como, por hyrja e Fulhamit në garë ndryshoi rrjedhën e negociatave dhe e vendosi klubin londinez në pole position për transferimin. Për Real Madridin, fakti që të dy lojtarët e akademisë do të punojnë nën drejtimin e Arbeloas shihet si një garanci shtesë për zhvillimin e tyre profesional.
Nga ana e Fulhamit, nënshkrimi i Gonzalos dhe Palacios do t’i siguronte klubit dy prej talentëve më premtues të “La Fábrica”, duke forcuar organikën e skuadrës me futbollistë të rinj të profilit të lartë. Palët pritet të finalizojnë marrëveshjet brenda ditëve të ardhshme.
